Teologiya (Islom ilmlari: Qur'on, hadis, aqoid, fiqh)

60220200 – “Teolog-pedagog, islom ilmlari va arab tili” bakalavriat ta’lim yo‘nalishi

60220200 – “Teolog-pedagog, islom ilmlari va arab tili” ta’lim yo‘nalishi bo‘yicha bakalavrlar tayyorlash kunduzgi ta’lim shaklida amalga oshiriladi. O‘qitish kredit-modul tizimi asosida tashkil qilinadi. Bakalavriat dasturining me’yoriy muddati 4 yil.

Oliy diniy ta’lim muassasasining ta’lim dasturini amalga oshirish jarayonida nazariy va amaliy mashg‘ulotlarni to‘liq o‘zlashtirgan, yakuniy davlat attestatsiyasidan muvaffaqiyatli o‘tgan Toshkent islom instituti bitiruvchisiga “bakalavr” malakasi (darajasi) hamda oliy ma’lumot to‘g‘risidagi davlat namunasidagi rasmiy hujjat beriladi.

“Teolog-pedagog, islom ilmlari va arab tili” yo‘nalishi bitiruvchilarining kasbiy faoliyat sohalari diniy va ma’naviy-ma’rifiy masalalar bilan bog‘liq ta’lim, ilmiy-tadqiqot, tashkiliy va tahliliy faoliyat yo‘nalishlarini qamrab oladi. Bitiruvchilar ma’naviy-ma’rifiy, tashkiliy va tahliliy faoliyatni yuritish kompetensiyalariga ega bo‘ladi.

“Teolog-pedagog, islom ilmlari va arab tili” yo‘nalishi bitiruvchilari uchun quyidagilar kasbiy faoliyat obyektlari hisoblanadi:

• O‘zbekiston musulmonlari idorasi va uning tasarrufidagi ta’lim hamda diniy tashkilotlar;
• diniy va ma’naviy-ma’rifiy yo‘nalishdagi ilmiy-tadqiqot markazlari;
• davlat va nodavlat tashkilotlar;
• O‘zbekiston Respublikasi Din ishlari bo‘yicha qo‘mitasi;
• O‘zbekistondagi islom sivilizatsiyasi markazi;
• ommaviy axborot vositalari;
• turizm sohasi;
• yoshlar, oila va xotin-qizlar masalalari bilan ishlaydigan tashkilotlar;
• islom moliyaviy tashkilotlari;
• nodavlat notijorat tashkilotlari;
• tarixiy, madaniy va ma’naviy merosni o‘rganish hamda targ‘ib etish bilan shug‘ullanuvchi markazlar.