Dasturiy injiniring

Davlat va nodavlat korxonalar, tashkilotlar, muassasalar, davlat boshqaruv organlarida axborot-kommunikatsiya texnologiyalari sohasida dasturiy injiniring bo‘yicha kompleks masalalarni yechish, O‘zbekiston Respublikasi Fanlar akademiyasi va tarmoq ilmiy-tadqiqot institutlari, ilmiy-tadqiqot markazlari, ilmiy-ishlab chiqarish birlashmalarida ilmiy-tadqiqot ishlarida ishtirok etishni o‘z ichiga oladi.
Kasbiy faoliyatlarning obyektlari:
• avtomatlashtirilgan va kompyuter tizimlarining matematik va dasturiy ta’minoti;
• avtomatlashtirilgan loyihalash tizimlari;
• Axborotni qayta ishlash, mikroprotsessorli tizimlarning dasturiy ta’minoti;
• Dasturiy mahsulotlar va hisoblash texnikasi apparat vositalarini ishlab chiqishga joriy etish va foydalanishning samarali jarayonlari;
• Axborot-kommunikatsiya tizimlari va texnologiyalari texnik va dasturiy vositalarini loyihalash, sozlash, ishlab chiqarish va amaliyotga tatbiq qilish jarayonlari.
Davlat interaktiv xizmatlari elektron hukumat tizimlarida elektron hujjat aylanishi va ma’lumotlar bazalarida axborot almashinuvini shakllantirish.
Dasturiy injiniring ta’lim yo‘nalishi bakalavriat ta’lim yo‘nalishi bo‘yicha bitiruvchilar pedagogik qayta tayyorgarlikdan o‘tgan taqdirda maktabgacha va maktab ta’limi tashkilotlarida, professional ta’lim muassasalarida ta’limning vakolatli boshqaruv organlari tomonidan aniqlanadigan umumkasbiy va ixtisoslik fanlarini o‘qitish bo‘yicha pedagogik faoliyati bilan shug‘ullanish huquqiga ega bo‘ladi.
Kasbiy faoliyatlarning turlari:
• Tashkiliy-boshqaruv;
• Loyihaviy-konstruktorlik;
• Foydalanish va servis xizmat ko‘rsatish;
• Ishlab chiqarish-sozlash;
• Konsalting xizmati.