Biznes boshqaruvi (turizm)

Dastur tavsifi
Turizm sohasida zamonaviy, ijtimoiy mas'uliyatli va o‘zini rivojlantirishga ochiq bo‘lgan, global turizm bozorida yangi, innovatsion va raqobatbardosh kompaniyalarni yaratish va boshqarishga qodir yoki mavjud kompaniyalarda mahalliy va xalqaro darajada yetakchi lavozimlarni egallay oladigan malakali menejerlarni tayyorlash.

O‘quv dasturining maqsadlari:

• Turizm sohasida biznes boshqaruvi boʻyicha raqobatbardosh oliy professional taʼlimni taʼminlash va mahalliy hamda xalqaro mehnat bozorida yuqori salohiyatga ega bo‘lgan turizm mutaxassislarini tayyorlash.

• Talabalarga zamonaviy iqtisodiy rivojlanish qonuniyatlari, innovatsiyalarni turizm va unga aloqador iqtisodiy sohalardagi tadbirkorlik bilan bog‘lash, davlat va jamoat boshqaruvi hamda boshqa biznes jarayonlari to‘g‘risida chuqur bilim, tushuncha va amaliy ko‘nikmalarni berish.

• Talabalarning ilmiy-tadqiqot ko‘nikmalari, tahliliy va innovatsion fikrlash, ijodkorlik va muloqot qilish qobiliyatlarini rivojlantirish, bu orqali bitiruvchilarga global mehnat bozorida muvaffaqiyatli faoliyat yuritish imkonini yaratish.

• Turizm sohasidagi ta’lim va tadqiqotlarni rivojlantirishga ko‘maklashish hamda oliy ta’lim muassasalarining xalqaro raqobatbardoshligini mustahkamlash.