Akusherlik va ginekologiya

Akusherlik va ginekologiya bo‘yicha klinik ordinatura ayollar reproduktiv salomatligini muhofaza qilish, homiladorlik va tug‘ruq jarayonini boshqarish, ginekologik kasalliklarni tashxislash, davolash va oldini olish bo‘yicha yuqori malakali shifokorlarni tayyorlashga qaratilgan oliy tibbiy ta’limdan keyingi ta’lim dasturidir.

Ta’lim jarayonida ordinatorlar homilador ayollarni kuzatish, normal va murakkab tug‘ruqlarni olib borish, ona va homila salomatligini baholash, ginekologik kasalliklarni aniqlash va davolash, zamonaviy diagnostika usullaridan foydalanish hamda shoshilinch akusherlik va ginekologik yordam ko‘rsatish bo‘yicha nazariy bilim va amaliy ko‘nikmalarni egallaydilar.