Dasturiy ta'minot muhandisligi

Ushbu dastur AQShdagi eng yirik va eng keng qamrovli muhandislik maktablaridan biri — Arizona State University (ASU) tarkibidagi Ira A. Fulton Schools of Engineering tomonidan qo‘llab-quvvatlanadi. Dastur talabalarni O‘zbekistonda jadal rivojlanayotgan dasturiy ta’minot sanoatida hamda xalqaro miqyosda muvaffaqiyat qozonish uchun zarur bo‘lgan asosiy bilim va ko‘nikmalar bilan ta’minlashga mo‘ljallangan.

Asosiy ta’lim natijalari:

1. Bugungi global hisoblash texnologiyalari ehtiyojlariga mos innovatsion dasturiy yechimlarni ishlab chiqish.
2. Murakkab tizimlarni tahlil qilish va loyihalashda muhandislik usullarini o‘zlashtirish.
3. Strategik rejalashtirish va dasturiy ta’minotni yaratish bo‘yicha chuqur bilim va ko‘nikmalarga ega bo‘lish.
4. Real texnologik muammolarni hal qilishda tizimli yondashuvni qo‘llashni o‘rganish.

Bitta diplom o‘rniga ikkita diplom: 3+1 dasturi

4 yil ichida ikkita bakalavr diplomini qo‘lga kiriting.

Software Engineering dasturi ASU tarkibidagi Ira A. Fulton Schools of Engineering bilan hamkorlikda 3+1 qo‘shma diplom dasturini taklif etadi.

Talabalar dastlabki uch yilni AUTda o‘qiydi va yakuniy to‘rtinchi yilni ASUda — onlayn yoki Arizona kampusida — davom ettiradi. Natijada ular atigi to‘rt yil ichida ikkita bakalavr diplomiga ega bo‘ladilar.*

ASU kampusida o‘qishni tanlagan talabalar OPT dasturiga ariza topshirishlari mumkin. Ushbu imkoniyat talablarga javob beradigan bitiruvchilarga AQShda qonuniy ravishda uch yilgacha ishlash imkonini beradi (dastur talablariga muvofiq).

Bitiruvchilar quyidagi diplomlarga ega bo‘ladilar:

• AUT, O‘zbekiston — Dasturiy ta’minot muhandisligi bo‘yicha bakalavr diplomi

• Ira A. Fulton Schools of Engineering, Arizona State University, AQSh — Dasturiy ta’minot muhandisligi bo‘yicha bakalavr diplomi