Filologiya va tillarni o‘qitish: Turk tili

Filologiya va tillarni o‘qitish (Turk tili) (Bakalavriat)

Alfraganus Universitetining Filologiya va tillarni o‘qitish (Turk tili) dasturi talabalarga turk tilini puxta egallash, turk adabiyoti, tilshunoslik, tarjimashunoslik hamda zamonaviy o‘qitish metodikasi bo‘yicha chuqur nazariy bilim va amaliy ko‘nikmalar beradi. Dastur ta’lim muassasalari, tarjima markazlari, xalqaro tashkilotlar va turli sohalar uchun malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Filologiya va tillarni o‘qitish (Turk tili) bakalavri
Ta’lim shakli: Kunduzgi

Asosiy fanlar: Amaliy turk tili, Turk tili grammatikasi, Turk adabiyoti, Tilshunoslik, Tarjimashunoslik, Chet tillarini o‘qitish metodikasi, Og‘zaki va yozma nutq, Mamlakatshunoslik hamda Akademik yozuv.

Malakaviy amaliyot dasturning muhim qismi hisoblanadi. Talabalar umumta’lim maktablari, oliy ta’lim muassasalari, til markazlari, tarjima byurolari va boshqa tashkilotlarda amaliyot o‘tash orqali kasbiy tajriba orttiradilar.

Bitiruvchilar turk tili o‘qituvchisi, tarjimon, muharrir, gid-tarjimon, xalqaro aloqalar bo‘yicha mutaxassis hamda davlat va xususiy tashkilotlarda til mutaxassisi sifatida faoliyat yuritishlari mumkin.

Dastur til kompetensiyalari, madaniyatlararo muloqot, tarjima faoliyati, pedagogik mahorat va zamonaviy ta’lim texnologiyalarini qo‘llash bo‘yicha professional kompetensiyalarni rivojlantirishga yo‘naltirilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.