San'atshunoslik (musiqashunoslik)

San’atshunoslik (musiqashunoslik) bakalavriat ta’lim yo‘nalishi musiqa san’ati tarixi, nazariyasi, tahlili, milliy va jahon musiqa merosi hamda zamonaviy musiqiy jarayonlarni o‘rganishga yo‘naltirilgan. Dastur davomida talabalar musiqashunoslik, musiqa tarixi, etnomusiqashunoslik, san’at tahlili, ijodiy jarayonlar va madaniy merosni o‘rganish bo‘yicha nazariy hamda amaliy bilimlarni egallaydilar.

Mazkur ta’lim yo‘nalishi bitiruvchilari madaniyat va san’at muassasalari, musiqa ta’limi tashkilotlari, ilmiy-tadqiqot markazlari, ommaviy axborot vositalari, teatr va konsert tashkilotlari hamda madaniy meros sohasida faoliyat yuritishlari mumkin. Dastur musiqa san’atini ilmiy tahlil qila oladigan, milliy va jahon musiqa merosini targ‘ib qila oladigan malakali mutaxassislarni tayyorlashga qaratilgan.